艺人李佳芯（Ali）与森美现身护肤品活动，提到台庆颁奖礼将近，有份角逐女主角奖的Ali表示不紧张，她说：“新加坡得奖系爆冷，自己都估唔到，如果今次有会好开心，但冇都ok。”森美笑言一次是爆冷，但如果再获奖就是肯定。

问到若再获奖会否有压力？Ali坦言：“冇呀，之前攞完奖再开剧，我嘅态度都系一样冇分别。每年嘅对手都好强，全部系前辈。”

森美即反问Ali是否暗示对手老？Ali急急清澄：“唔系老，系讲年资，我年资系最轻嗰个，新加坡攞奖系好大强心针，原来都有部分观众系支持自己，畀我好大信心，因为我对自己冇信心，如果有奖系个好大bonus。

（你睇好边个攞奖？）我锺意田蕊妮，我好锺意睇佢做嘅戏，亦都同佢合作过，私下同佢都系好朋友，佢好乐意同我分享佢嘅心得。”

至于森美表示看好Ali获奖，他解释：“我觉得佢嘅进步好大，由几年前都依家可以睇到，见到佢进步咁大，好应该畀啲嘉许佢，阿田（田蕊妮）攞过啦，个个都攞就最开心，作为奖励畀李佳芯好应该。”

Ali笑问是否自己最初演得太差？森美说：“当初系有啲失望，好幼嫩，我自己睇番我嘅演出都觉得，昨日嘅自己好幼嫩，今日嘅我进步咗好多。我系进步得比较快，哈哈！至于男主角我支持陈豪，最可惜系我同陈豪冇提名最佳萤幕情侣啦！”

森美又称会将自己在《夸世代》出镜的片段录起给太太一齐观看，但太太却拒绝收看其中一幕：“就系我同Ali锡嗰幕，佢话我唔想见到你锡其他女人，其实我都锡过小仪?，但小仪就ok。其实喺剧情上，我同Ali都系唔情愿咁锡，剧本写作状接吻，但导演话要真系锡，我眼尾见到Ali个样都好唔情愿，我讲笑啫！但我太太真系唔肯睇，咁我知佢好锡我，我都有少少甜，我迫佢睇。我个女都有睇，但佢好锺意睇《溏心风暴3》，睇到笑出声，因为佢好锺意睇人闹交。”

赞赏

长按向我转账

受苹果公司新规定影响，iOS版的赞赏功能被关闭，可通过转账支持。